КУЛА – Представителє китайскей компаниї „Кинґдом” вчера зоз заменїком предсидателя Општини Кула Велибором Милоїчичом обишли индустрийну зону у Кули и виражели заинтересованосц за инвестованє.
Компания „Кинґдом” продукує лєнову предзу за текстилну индустрию и у швеце облапя коло 10 одсто тарґовища у тей обласци.
Заменїк предсидателя Општини Кула Милоїчич ше наздава же китайски инвеститоре виберу праве Кулу за инвестованє и госцом з тей нагоди гварел же Општина порихтана понукнуц найлєпши условия за їх инвестицию. Як поведзене, Кула вошла до узшого вибору за инвестованє тей китайскей компаниї.
Индустрийна зона у Кули (на виходзе спрам Вербасу) подполно сполнює шицки инфраструктурни условия потребни за инвестицию, а попри цалком опременей зони, потенциялним инвеститором ше понука и други дїловни стимулациї.