ДЮРДЬОВ – У просторийох Културно-уметнїцкого дружтва „Тарас Шевченко” у Дюрдьове на 18 годзин будзе промоция кнїжки „Гласи и часи – 70 роки Рускей редакциї Радио Нового Саду“.
О кнїжки буду бешедовац авторе Мария Тот и Дюра Латяк, редакторка виданя Ирина Гарди Ковачевич, а модератор будзе Єлена Перкович.
Промоция тей кнїжки уж отримана у Новим Садзе, Руским Керестуре и Шидзе.
З тей нагоди шицким нащивительом будзе подаровани по єден прикладнїк тей значней кнїжки котру видала НАР-ох, а друкованє кнїжки оможлївели Завод за културу войводянских Руснацох, ЯМУ РТ Войводина и Национални совит рускей националней меншини.