Коло керестурского базену ше будує лєтнїковец

автор сен
732 Опатрене

РУСКИ КЕРЕСТУР – Члени Ротари клубу Кула ше вчера зишли на керестурским базену, же би видзели як напредує проєкт вибудови летнїковцу, хтори вони порушали и финансовали, а за хтори плановали же будзе закончени по септембер.

 Як гварел член Ротари клубу, Керестурец Михайло Тиркайла, Клуб до вибудови того обєкту уложел, односно подаровал 56 000 динари, а идея же би вон бул отвореного типу. За тераз положена основна конструкция, цо поробели члени Здруженя рибарох „Коляк“, а остаток средствох – за закрице и лавочки, мала би уплациц Месна заєднїца, та роботи на летнїковцу буду финализовани док лєгню пенєжи. На стретнуцу членох Клубу вчера на базену бул и предсидатель Здруженя рибарох Янко Джуджар.

Нововибрани предсидатель Ротари клубу Кула Ґоран Радонїч гварел же Клуб, у сотруднїцтве з „Коляком“, у септембру орґанизує змаганє у лапаню рибох, та ше наздаваю же по тамаль проєкт летнїковец уж будзе закончени.

 

ПОВЯЗАНИ ТЕКСТИ