ЖАБЕЛЬ – Општина Жабель орґанизує безплатну обуку з инфоматики на хтору ше можу приявиц жени зоз тей општини. На обуки годно научиц основни роботи на рахункару, о орґанизациї податкох, хаснованю интернета и управяню з розличнима софтверскима програмами.
Циль орґанизованя обуки то нєформалне образованє женох з помоцу хторого годни економски змоцнїц и осамостоїц ше, як и лєгчейше найсц роботу. На Конкурс ше можу приявиц жени зоз општини Жабель, а отворени є до пиятоку, 18. марца. Обука будзе тирвац два мешаци у просторийох основней школи у Жаблю, а почнє 19. марца на 17 годзин. Вецей информациї мож достац од Танї Вукайлович (064/814-45-73).