БЕОҐРАД – По 3. марец тирва конкурс Министерство култури и информованя за проєкти на язикох националних меншинох. Медиї можу конкуровац зоз змистами хтори у обласци явного интересу за национални меншини, а за тоту намену Министерство того року опредзелєло 30 милиони динари.
Державни секретар у Министерстве Саша Миркович гварел же у конкурсних комисийох буду представителє медийних и новинарских здруженьох и вони буду одвичательни за квалитет будуцей програми на язикох националних меншинох и витворйованє явного интересу. Наглашел и же совити националних меншинох перши раз достали можлївосц мац свойого представнїка у Реґулаторним орґану за електронски медиї.
Кед слово о финансованю медийних явних сервисох, Миркович потвердзел же 1. януара 2016. року почнє финансованє явних сервисох прейґ такси, хтора будзе до 500 динари.