СУБОТИЦА – Ґрупа за розвой културного активизму „UrLiK” розписала конкурс за представянє творчосци младих уметнїкох, хтори од 4. по 10. юний буду представени на манифестациї „Urlik Уметносц опрез форми”.
Манифестация наменєна насампредз младим, а шицки котри жадаю явно представиц свою поезию, прозу, музику, кратки филми, перформанси, лєбо даяку другу форму уметносци, можу ше приявиц по 5. май.
Конкурс наменєни младим, алє буду розпатрани и прияви дакус старших уметнїкох. За прияву треба послац три писнї, кратку приповедку, музику хтору уметнїк твори, лєбо интерпретує, филм, опис перформансу. Ґу тому, треба приложиц и кратку биоґрафию и послац на е-адресу: konkurs.urlik@gmail.com и назначиц „Приява за UG3 _ мено и презвиско”, лєбо по пошти, на адресу УГ Урлик, 9. Нова 86, 24109 Суботица, ПАК: 451707 и назначиц „За конкурс UG3”.
Резултати буду обявени 15. мая на сайту www.urlik.org, а за вецей информациї мож писац на адресу urlik.subotica@gmail.com.