КУЛА – Општина Кула розписала Явни конкурс за додзельованє 3 милиони 600 000 динарох з буджету за проєкти з хторима ше витворює явни интерес у обласци явного информованя. Конкурс отворени по 13. фебруар.
Конкуровац можу видавателє медийох котри уписани до реґистру медийох, та правни особи, односно поднїмателє котри ше занїмаю з продукцию медийних змистох, а конкуровац нє можу видавателє хтори ше финансую з явних приходох.
Средства на основи конкурсу буду додзелєни за софинансованє продукциї и дистрибуцию програмских змистох у информованю од явного интересу, як и за информованє на язикох националних меншинох – на мадярским, руским, українским и нємецким.
Пенєж ше додзелї за проєкти хтори тирваю цали рок, а конкурс и формулари обявени на службеним сайту Општини Кула – www.kula.rs.