У рамикох 25. Спортских бавискох „Яша Баков” на фодбалским страдиону ФК „Бачка 1923”, прешлей соботи, 18. юния, отримане змаганє у вельким фодбалу за пионирох зоз фодбалских клубох з наших местох.
З тей нагоди змагали ше штири екипи пионирох возросту основней школи, а перша була ФК „Искра” з Коцура, котра у финалу, на пенали победзела ФК „Русин” з Руского Керестура. Треце место завжали домашнї з ФК „Бачка 1923”, а штварте ФК „Славия” з Нового Орахова.
ФК „Искра” : ФК „Бачка 1923” 1:1 (0:0) у пеналох 4:2
ФК „Русин” : ФК „Славия” 2:1 (1:0)
ФК „Бачка 1923” : ФК „Славия” 4:1 (2:1)
ФК „Искра” : ФК „Русин” 0:0 (0:0) у пеналох 4:2
За ФК „Искра” бавели – Хромиш Ф, Михняк, Михайлович, Арх Мирослав, Шмит, Штрбац М, Мезеї, Варґа, Бокан, Шанта, Штрбац Д, Хромиш Б, Ґрандич, Салонтаї, Арх Милош, Недлькоич.
За ФК „Русин” – Тома С, Тома Ф, Саянкович, Кочиш, Югик, Маньош, Харди, Надь, Стрибер, Тома А, Зорич, Иличич, Селинґер, Чапко.
За ФК „Бачка 1923” бавели – Станкович Д, Боґданов, Божич, Сивчевич, Петрович, Вуйович С, Маркович, Бороя, Тривунович, Станкович Р, Михайловски, Мушицки, Чеґар, Петоєвич, Боґданов Дь, Вуйович Д, Остоїн, Йованович, Марич.
За ФК „Славия” бавели – Божо, Каньо, Шипош, Хомоля, Хрняк, Ґере, Хусар, Ковач, Сабо, Бульович, Сикфа, Дудаш Л, Дудаш Д, Мйор, Шота.
Кед слово о турнирох, бависка на половки. Предсидатель СБ Иван Папуґа, з тей нагоди наглашел же у орґанизациї спортских змаганьох у наших местох нє було векши проблеми. Окреме у орґанизациї того турнира, бо участвовали шицки фодбалски клуби з наших местох дзе єст вецей Руснацох.
По конєц рока єст ище досц змаганя, а Дюрдьов 5. и 6. авґуста ознова будзе домашнї змаганю у вельким фодбалу за сениорох. По законченє змаганьох предсидатель СБ Иван Папуґа, у будинку ФК „Бачка 1923” побиднїком уручел медалї, дзе потим за учашнїкох бул заєднїцки полудзенок.
Идуце змаганє у рамикох СБ, у одбойки, будзе того тижня у Руским Керестуре. У авґусту на Паличу будзе отримани турнир у одбойки на писку, у септембре будзе по першираз орґанизоване змаганє у новим спорту у рамикох СБ – мали фодбал на мали ґоли, а потим и мали фодбал за ветеранох. У октобру и новембру штрелянє и ґуґланє у Вербаше, шах за пионирох и пикадо у Коцуре.