РУСКИ КЕРЕСТУР – У добродзечней акциї даваня креви, хтора пондзелок, 18. априла орґанизована у Школи „Петро Кузмяк” у Руским Керестуре, крев дали 14 матуранти штреднєй школи и тройо роботнїки.
То друга акция даваня креви у тим школским року, а орґанизує ше ю на инициятиву педаґоґинї Любици Няради, у сотруднїцтве зоз Службу за трансфузию креви Общого шпиталю Вербас.
У терашнєй акциї було два раз вецей добродзечних давательох креви як у першей, а як наявела Нярадийова, шлїдуюца будзе на єшень, у новим школским року.