ПЕТРОВЦИ (ГОРВАТСКА) – У Петровцох всоботу, 13. децембра, у Дружтвеним доме „Соколана” КУД „Яким Гарди” орґанизовало литературни вечар з назву „Писнї мойо”.
На програми наступели члени литературних секцийох КУД „Яким Гарди” з Петровцох и „Яким Гарди” з Миклошевцох, котри читали стихи руских поетох з тих двох местох – Любки Сеґеди Фалц, Ганчи Папандриш Гаргаї, Звонимира Барну, Любици Гаргаї и Агнетки Костелник Балатинац.
Водителька програми Мануела Дудаш представела каждого поету, а з рускима народнима шпиванками програму прикрашела хлопска шпивацка ґрупа петровского Дружтва, хтору на гармоники провадзел Звонко Еделински.
