РУСКИ КЕРЕСТУР – Маєток фарми Кварк на териториї Руского Керестура и Новей Червинки, котри преценєни на вкупно вецей як 170 милиони динари, понукнути на предай обявел предликвидацийни управнїк Деян Ерак.
На предай понукнути польопривредна и будовательна жем, и рижна опрема на фарми у Новей Червинки, шицко преценєне на 91 милин динари.
Друга часц маєтку котра ше предава, находзи ше у Руским Керестуре, за будинки, наменски обєкти за польопривреду, польопривредну и будовательну жем глєда ше минимални 63,7 милиони динари.
Треца часц преценєна на 15,7 милиони евра то канцеларийски мебель и опрема, польопривредна и будовательна механїзация и други транспортни средства.
Шицки заинтересовани треба же би доручели понуканє за даєден, або шицки три пакети котри дати на предай, найпознєйше по 1. април.
Най здогаднєме, маєток фарми Кварк у Руским Керестуре уж длугши час празни, а пред тим тирвал длугорочни проблем котри достал аж и судски епилоґ, понеже крави зоз фарми часто виходзели до приватних польох керестурских парастох, о чим на вецей заводи писане у наших медийох.