ВЕРБАС – У Народней библиотеки „Данило Киш” у Вербаше стреду, 14. децембра, уручени награди найлєпшим школяром котри зоз своїма литературнима и подобовима роботами участвовали на традицийним єшеньским конкурсу, того року з тему „На кридлох витру”. Роботи оценьовали библиотекаре Милорад Мартинович и Бранислав Зубович, як и академски маляр Милияна Радованович, пише портал Општини Вербас.
Медзи наградзенима за подобово роботи и школяре з Коцура – Наташа Тамаш, Катарина Кулич, Лейла Фекете и Йована Николаш, школярки шестей класи Основней школи „Братство-єдинство”.
Кнїжки на дарунок наградзеним обезпечела Народна библиотека „Данило Киш”.