ШИД – У Технїчней школи „Никола Тесла“, по словох директора Йови Дрезґи, у новим школским року плановани штири нови оддзелєня и то 30 школярох на напряме польопривредни технїчар, тиж 30 на напряме електротехнїчар рахункарох, потим по 15 за шлосерох и автомеханїчарох и єдно оддзелєнє з 30 школярами за тарґовцох.
У Ґимназиї „Сава Шуманович“, по словох директорки Нади Хромиш Аничич, плановани упис двох оддзелєньох зоз 60 школярами общого напряму и 30 школярами на економским напряму.
Директоре спомнутих школох ше за тераз нє вияшнєли чи будзе достаточне число уписаних школярох, а як Рутенпрес нєурядово дознава, вецей як 100 школяре штредню школу уписало у даєдним городзе звонка Шиду.