КУЛА – Шлїдуюци два роки предсидатель Одбору за финансиї и явну власносц Стаємней конференциї городох и општинох будзе Велибор Милоїчич, заменїк предсидателя Општини Кула – з векшину гласох одлучели делеґати Скупштини Стаємней конференциї городох и општинох на схадзки отриманей 9. децембра у Беоґрадзе.
Активносци Одбору за финансиї и явну власносц Стаемней конференциї городох и општинох то розпатранє заєднїцких питаньох и проблемох, як и формулованє и представянє заєднїцких интересох єдинкох локалних при централних власцох у процесу дефинованя стратеґийних напрямох и приношеня предписаньох од значносци за локалну самоуправу.
З нагоди вибору на функцию предсидателя спомнутого одбору, Велибор Милоїчич виявел же його вибор на тоту функцию доживює як припознанє општини Кула за стан у општинских финансийох, як и же то пробує вихасновац на хасен општини.