ЧЕРВИНКА/РУСКИ КЕРЕСТУР – На Окружним змаганю з биолоґиї, хторе отримане 9. априла у ОШ „Вук Караджич” у Червинки, школяр шестей класи ОШ „Петро Кузмяк” з Руского Керестура Михайло Рацпети завжал друге место у своєй катеґориї, з 84-ма бодами.
Змагали ше по тройо школяре од пиятей по осму класу, а з керестурскей Школи на Окружним змаганю з биолоґиї ище участвовали Александер Киш зоз шестей, Соня Балїцки и Теодора Новакович зоз седмей, та Филип Баран з осмей класи и шицки завжали треце место.
За змаганє их пририхтала наставнїца Єлена Шомодї, а тести були преложени и на руски язик.
Треба визначиц же велї роки нє було таке вельке число школярох з керестурскей школи хтори ше з биолоґиї пласовали на окружни уровень змаганьох.