ДЮРДЬОВ – У Основней школи „Йован Йованович Змай” у Дюрдьове єст надїї же после двох рокох нєорґанизованя порядней настави на руским язику од першей класи, на єшень будзе першокласнїкох у руским оддзелєню.
У Предшколскей установи „Дюрдєвак” у Дюрдьове у мишаней ґрупи єст 15-еро дзеци, з котрих 8-еро будуци першокласнїки.
Попри порядней, у Школи орґанизована и виборна настава руского язика, а окреме числена ґрупа тогорочних першокласнїкох, медзи котрима векшина нє Руснаци.
На виборну наставу руского язика ходза и школяре другей и трецей класи.