КУЛА – Школярки керестурскей ґимназиї Петро Кузмяк з оддзелєня на сербским язику, Наталиї Кутни з нагоди другого места на Републичним змаганю з нємецкого язика у барз моцней конкуренциї, приєм вчера пририхтал предсидатель Општини Кула Дамян Милянич.
Попри наградзеней школярки на приєму були и професорка нємецкого язика Сашка Спасич и о. д. директорка керестурскей Школи Наталия Будински.
Предсидатель Милянич школярки повинчовал успих и придал єй символични дарунок и наглашел же и вона приклад як ше труд и робота виплаца, а тиж и наградзую.
Наталия Кутни подзековала и визначела же любов ґу нємецкому язику предлужи и на студийох дзе планує уписац тот язик, док директорка Будинскова подзековала же Општина замерковала вельки Наталийов резултат, и наявела же пре интересованє школярох и успих тей школярки, у Школи планую основац и клуб нємецкого язика.