РУСКИ КЕРЕСТУР – Порядна Рочна скупштина Рускей матки заказана за соботу 5. марец з початком на 11 годзин у просторийох Месней заєднїци у Руским Керестуре.
Тогорочна Скупштина тиж будзе и виберанкова, члени Рускей матки буду гласац за нового предсидателя, його заменїка, секретара, членох УО, Надпатраюцого одбору и Редакцийного одбору їх глашнїка Руснак.
На дньовим шоре плановане розпатранє звита о активносцох шицких месних, городского и реґионалного одбору РМ, потим финансийох з прешлого року. Надалєй будзе розпатрани план роботи за тот рок, активносци котри РМ превежнє по питаню попису жительства, як и пририхтованє з орґанизацию ШК РРЛ котри будзе отримани у Новим Садзе 2023. року.