КОЦУР – У парохиї грекокатолїцкей церкви Успения пресвятей Богородици у Коцуре на нєдзелю, 19. децембра, будзе означене швето Святого Миколая. На шицких Службох Божих того дня за вирних коцурскей парохиї будзе и мированє.
Дзень пред тим, на соботу, 18. децембра, на 17 годзин почнє Всеночне, а потим на 18 годзин придзе и Святи Миколай котри дзецом будзе дзелїц пакецики.
Тих дньох ище вше у церкви поставена и шкатулка у котрей парохиянє можу охабиц добродзечни прилог и помогнуц тим котри нє у можлївосци, же би и за нїх були обезпечени пакецики од Святого Миколая.