МИКЛОШЕВЦИ – У грекокатолїцкей церкви Рождества Пречистей Дїви Мариї миклошевски вирни 6. януара преславели Богоявлєнє Господнє, з хторим ше означує спомин на дзень Исусового кресценя на рики Йордан. У присустве числених вирних, Службу Божу на 10,15 годзин служел миклошевски парох о. Яким Симунович, а по Служби пошвецел воду хтору вирни однєсли дому за свойо духовни потреби.
Исти дзень попладню почало пошвецанє 120 обисцох, а будзе тирвац по 8. януар.
На швето Василия Велького, 1. януара, о. Симунович на Служби винєсол и податки з матрикулох за 2014. рок, у хторих зазначене же прешлого року у Миклошевцох покресцени тройо дзеци, умарли пейц особи, а винчаних нє було.
