На Медзинародней конференциї и нашо науковци

автор зам
1k Опатрене

БЕОҐРАД – Катедра за славистику Филолоґийного факултету Универзитету у Беоґрадзе од штвартку, 17., та по соботу, 19. новембра, орґанизує Медзинародну наукову конференцию „Українистика и славянски швет”. Конференция орґанизована з нагоди 25-рочнїци українистики на Филолоґийним факултету Универзитету у Беоґрадзе.

Медзинародна наукова конференция будзе у будинку Филолоґийного факултету (Студентска площа 3), на штварток почнє на 9 годзин, а участвую 65 науковци з 12 державох. Медзи нїма свойо роботи буду викладац и нашо науковци – академик Юлиян Тамаш, др Янко Рамач, Михал Рамач, др Дюра Гарди, мр Анамария Рамач Фурман, Александар Мудри, як и др Оксана Дїтко зоз Заґребу.

На штварток, 17. новембра, на 18 годзин у библиотеки Катедри за славистику (у прижемю, праве кридло), будзе промоция кнїжки „Антолоґия сучасней українскей драми” преложеней на сербски и руски язик, а у виданю НВУ „Руске слово” Нови Сад.

Вецей информациї о Науковей конференциї мож видзиц на сайту htpp://conference.ukrajinistika.edu.rs

ПОВЯЗАНИ ТЕКСТИ