НОВИ САД – По нєдзелю, 20. марец, тирва нова, перша саямска Вистава опреми за лапанє риби и активне пребуванє у природи.
Виставу, штварток, 17. марца, отворел новинар Йован Мемедович, а у Гали 1 дистрибутере и тарґовци виложели опрему за лапанє риби, наутичну опрему, опрему за кампованє и караванинґ-одпочивок.
У Конґресним центре „Мастер” отримує ше преподаваня и трибини о спортским лапаню рибох и едукативни сходи о защити и очуваню водох и рибного фонду.
На отвореним просторе Сайму пририхтана и провадзаца програма, на хторей спортски здруженя за младих цо ше занїмаю з рекреативним пребуваньом у природи презентую свойо активносци.
Нєшка, 19. марца – Фамелийни дзень, та родичи з дзецми до 16 роки годни войсц з єдну уходнїцу за 200 динари, цо цена поєдинєчней уходнїци. За колективни нащиви (пейц и вецей особи) уходнїца 150 динари, а роботни час Вистави од 10 до 19 годзин.