На нєдзелю Новосадски маратон

автор бета/сен
928 Опатрене

НОВИ САД – На нєдзелю, 16. октобра, на 10 годзин почнє 24. Новосадски маратон, на хтори ше дотераз приявели коло 1 000 особи. Як потолковали орґанизаторе, траса маратонского обегованя почнє на Площи шлєбоди, идзе по Змай Йововей и Дунайскей улїци, та през цали город, же би знова була закончена на Площи шлєбоди.

Промотере тогорочного Маратону Нада Матич, котра освоєла стриберни и бронзово медалї на Параолимпийних бавискох у Рию и Митар Паликуча, котри тиж освоєл бронзову медалю на Параолимпийних бавискох, обидвойо члени Столнотениского клубу „Спин” з Нового Саду.

У рамикох 24. Новосадского маратону будзе отримане и гуманитарне обегованє, длужини 4,5 километери, у орґанизациї Здруженя гражданох за церебралну и дзецинску парализу „Слунко“.

ПОВЯЗАНИ ТЕКСТИ