БЕОҐРАД/ОСЛО – Нєшка, на перши дзень яри, интересантни дзень за любительох астрономских подїйох, бо источашнє годно видзиц зацменє Слунка, будзе ровнодньовица, а вноци бул Супер Мешац.
Зацменє Слунка на тих просторох остатнї раз було 1999. року и Мешац, у зависносци од локациї, заклонї од 30 до 90 одсто слунковей шветлосци. Зацменє подполно годно видзиц у полукружним пасме коло Ґренланду и Исланду у сиверней часци Атлантского океану, а часточнє з Европи, сиверней Африки и заходней Азиї. Мешацов цинь Жемову поверхносц дотхнє на 10,10 годз., а остатнї контакт з ню будзе мац на 11,21 годзин.
Прешлу ноц, медзи 19. и 20. марцом, Мешац бул найвекши, односно бул ткв. Супер Мешац. Тото зявенє досц часте, случую ше на кажди 13-14 мешаци, а на тот завод Мешац бул найблїжей при Жеми.
Ярня ровнодньовица то дзень у року кед ноц и дзень єднак тирваю, а приходзи и на урядови початок яри. Тидзень у хторим почина ровнодньовица познати и як „Святи тидзень”.