На пияток отверанє реновираних просторийох у Лєтнєй владическей резиденциї

автор влдї
970 Опатрене

ШИД – На пияток, 14. октобра, у Шидзе шветочно буду отворени реновирани просториї у Лєтнєй владическей резиденциї за цалодньове пребуванє дзецох у предшколскей установи, а шветочносц почнє на 11 годзин з Молебеном у церкви Преображеня Господнього, хтори будзе служиц апостолски еґзарх за грекокатолїкох у Сербиї, владика Георгий Джуджар, у сослуженю з нашима священїками.

Просториї буду отворени на 12 годзин, а на шветочносци буду бешедовац владика Георгий Джуджар, представителє Општини Шид и Предшколскей установи „Єлица Станивукович-Шиля”.

Тиж будзе предствена и руска национална заєднїца, як и активносоци хтори ше запровадзує у Резиденциї, а потим наймладши з дзецинскей заградки виведу програму.

На шветочносци участвує и Младша мишана шповацка ґрупа КПД „Дюра Киш” зоз Шиду, з венчиком руских народних шпиванкох.

ПОВЯЗАНИ ТЕКСТИ