КРУЩИЧ/РУСКИ КЕРЕСТУР – У Крущичу на пондзелок, 14. марца, будзе отримана 54. Општинска смотра рецитаторох кулскей општини, котри вибрани на месних смотрох.
На Општинскей смотри „Максим Єкнич” у Крущичу ше у трох возростох буду змагац 30-еро рецитаторе – тринацецеро з Кули, осмеро з Руского Керестура, шесцеро зоз Червинки и по єдно зоз Крущичу, Липару и Сивцу.
Селектор смотри будзе ґлумец Сербского народного театру Миодраґ Петрович, а госц смотри писатель Веселин Миличевич.
Општинска смотра у сали КУД „Крущич” (у Доме култури) у Крущичу на пондзелок почнє на 18 годзин.