На приєму за найлєпших и школяре з Коцура

автор апм
926 Опатрене

ВЕРБАС – На приєму за найлєпших школярох у Општини Вербас з нагоди Дня святого Сави присуствовали и талантовани школяре з Коцура – Марко Буила, Марияна Мали и Боян Нєжич. Приєм прешлого тижня орґанизовали предсидатель Општини др Братислав Кажич и предсидателька Скупштини општини Вербас Маряна Мараш.

Школяре з руководительсвом вербаскей општини Вербас бешедовали о своїх потребох, роботи у школох, активносцох и способох на хтори им локална самоуправа може помогнуц.

Школярох привитали и началнїца Оддзелєня за дружтвени дїялносци Мира Недич и помоцнїца предсидателя Општини задлужена за образованє Ксения Бенце, а з талантованима школярами на приєму були и їх учителє, наставнїки, професоре и фахово сотруднїки.

Предсидатель Општини др Кажич наявел же таки приєм з нагоди школскей слави постанє традицийни.

ПОВЯЗАНИ ТЕКСТИ