СЕЧАНЬ – Того викенду у Сечню отримана 52. Покраїнска смотра рецитаторох Поето народу мойого на хторей наступели и осмеро рецитаторе з Руского Керестура, Коцура и Дюрдьова.
Зоз младшого возросту на Покраїнскей смотри наступели Ема Венґрин зоз Керестура, Филип Буила и Михайло Копчански зоз Коцура (обидвоме достали Златни дипломи), а на Републичну смотру пласман виборел Михайло Копчански.
У штреднїм возросту наступели Исак Новта и Яна Варґа з Керестура и Иван Молнар з Дюрдьова. Шицки тройо достали Златни дипломи, а на найвисшим змаганю буду участвовац Исак Новта и Яна Варґа.
Внєдзелю, у катеґориї старшого возросту, змагали ше Валентина Салаґова зоз Дюрдьова и Минеа Югас з Руского Керестура. У Валєве на Републичней смотри наступи Валентина Салаґ.
Рецитаторох з Керестура пририхтали Наталия Зазуляк, Мирослав Малацко и Оленка Живкович, з Коцура мср Славица Чельовски, а з Дюрдьова Яким Гарди.
Орґанизатор смотри Союз уметнїцкей творчосци аматерох Войводини, а домашнї смотри Центер за културу општини Сечань.
Манифестацию софинансує Покраїнски секретарият за културу, явне информованє и вирски заєднїци, Општина Сечань и Покраїнски секретарият за образованє.
