СТАРИ ЯНКОВЦИ – У орґанизациї Координациї рускей националней меншини Републики Горватскей на соботу, 11. юния, на стадионє ФК „ГАШК” у Старих Янковцох будзе Дзевята „Рутенияда” – змаганє основношколцох у старих руских спортских бавискох.
„Рутенияда” будзе отримана и у рамикох Дньох Општини Стари Янковци, а орґанизаторе обчекую приход змагательох з местох дзе жию Руснаци у Горватскей и Сербиї – з Петровцох, Миклошевцох, Вуковару, Старих Янковцох, Пишкуревцох, Руского Керестура, Коцура и Дюрдьова.
Приход школярох зоз Сербиї, односно Войводини би мал буц витворени на основи подписаного Протоколу о сотруднїцстве медзи Националним совитом Руснацох и Координацию рускей националней меншини РГ.
Рутенияда будзе под покровительством Вуковарско-сримскей жупаниї, а почнє на 10 годзин.