СТАРИ ЯНКОВЦИ – Змаганє школярох основних школох у старих руских бавискох „Рутенияда” на ютре, 30. мая будзе отримана у Старих Янковцох, у Горватскей.
Манифестацию орґанизує Координация рускей националней меншини у Горватскей и окремни одбор „Рутенияди”, а того року будзе отримана у рамикох Дня Општини Стари Янковци, под покровительством Вуковарско-сримскей жупаниї.
Змаганя у чиниґаню, пиличканю, обегованю у меху, нацагованю штранґу и карики на марики ютре почню на 10 годзин на форбалским стадионє у Старих Янковцох.