РУСКИ КЕРЕСТУР – У Канцелариї Рускей матки (РМ) у Руским Керрестуре на ютре, 29. януара, будзе отримана схадзка Управного одбору того здруженя, на хторей буду утвердзени датум и место отримованя порядней Рочней скупштини РМ.
На дньовим шоре и анализа и оцена отриманей пригодней шветочносци з нагоди означованя 25-рочнїци РМ, розпатранє предлогох за проєкти Матки з хторима будзе конкуровац до компетентних покраїнских секретариятох и Министерства култури и информованя, як и проєктох з хторима месни орґанизациї буду конкуровац до локалних самоуправох.
На схадзки, хтора ютре почнє на 18 годзин, будзе слова и о заєднїцких активносцох РМ з Бунєвску матку, Матку словацку и Матицу сербску, о чим представителє маткох маю бешедовац 4. фебруара у Бачким Петровцу.