ЖАБЕЛЬ/ЧУРОҐ – У Дому здравя Жабель, у оддзелєню Диспанзер за физикалну медицину и регабилитацию у Чуроґу тих дньох, урядово почало хаснованє комбинованого апарату за електротерапию, з чим ришени єден з важнєйших проблемох тей здравственей установи.
Окрем того, тиж у Чуроґу, алє у Здравственей станїци „Др Йован Туцаков” почала реконструкция и ушорйованє обєкта знука и звонка, док у Дому здравя Жабель у Жаблю поставена нова платформа котра помага одход на висши спрати особом котри слабше або вообще нєрухоми.
У жабельским Дому здравя почал робиц и нови диґитални рендґен апарат прецо пациєнти вецей нє муша одходзиц до других здравствених установох у других местох або до приватного лїкара.