РУСКИ КЕРЕСТУР – Традицийни Ноцни турнир у малим фодбалє у Руским Керестуре почина на нєдзелю, 12. юлия, а остатнї термин за приявйованє екипох на соботу, 11. юлия вечар, кеди будзе вицагованє парох у просторийох орґанизатора Турниру – СД “Русин” (у Старей школи).
На Турнир ше можу приявиц екипи младших пионирох (бавяче народзени од 2004. по 2006. рок), пионире (бавяче народзени од 2001. по 2003. рок) и сениоре. У екипи пионирох можу буц 5 бавяче и ґолман, а у екипи сениорох 4 бавяче и ґолман. За участвованє екипи пионирох плаца 1 000, а сениорох 7 000 динари.
За освоєне перше место у конкуренциї сениорох награда 50 одсто од уплаценей суми, за друге место 30, а за треце место 20 одсто. У шицких катеґорийох предвидзени награди за найлєпшого бавяча, ґолмана и ґолґетера.