НОВИ САД – Нєвладово орґанизациї зоз Сербиї и реґиону ше можу приявиц за участвованє на НҐО сайме под час Еґзиту, на хторим нащивительом представя свойо активносци. Приявиц ше мож по 10. юний, а як наявюю орґанизаторе, коло 20. юния би ше требало знац хтори орґанизациї ше зявя на Еґзиту.
Нови Сад вошол до ґрупи пейц найлєпших городох у змаганю за титулу Младежскей престолнїци култури 2018. Понеже Еґзит фондация була инициятор предкладаня Нового Саду за змаганє за тоту титулу, тогорочни саям будзе праве у знаку Нового Саду, та Младежскей престолнїци култури.
Вецей о условийох приявйованя мож опатриц на Еґзитовим сайту www.exitfest.org