БЕОҐРАД – У штвартим кварталє 2015. року нєзанятосц у Сербиї виношела 17,9 одсто, сообщел вчера Републични завод за статистику. За хлопох стопа нєзанятосци була 17,4, а за жени 18,4 одсто.
По анкети о роботней моци, нєзанятосц у Беоґрадским реґионє виношела 19,3 одсто, у реґионє Войводини 16 одсто, у реґионє Шумадиї и заходней Сербиї 17,6 одсто, а у реґионє южней и восточней Сербиї 18,8 одсто.
Стопа занятосци, хтора представя учасц занятих у цалосним жительстве старосци 15 и вецей роки, у штвартим кварталє 2015. виношела 42,4 одсто. За хлопох стопа занятосци була 50 одсто, а за жени 35,2 одсто.
Найвекша стопа занятосци була у Шумадиї и заходней Сербиї – 43,8 одсто, потим у Войводини 42,8 одсто, у Беоґрадским реґионє 41,9 одсто, а у реґионє южней и восточней Сербиї 40,4 одсто.
У одношеню на треци квартал 2015. року стопа занятосци менша за 0,8 процентни поени, покля стопа нєзанятосци звекшана за 1,2 процентни поени.
Анкета о роботней моци окончена на прикладнїку од коло 13 000 обисца.