БЕОҐРАД – У Етноґрафским музею у Беоґрадзе нєшка, 18. авґуста, у рамикох манифестациї Днї рускей култури, будзе представена литературна творчосц Руснацох.
У програми, котра почнє на 18 годзин у Кино-сали Етноґрафского музею, буду участвовац академик Юлиян Тамаш, Михал Рамач, Микола Шанта и Ирина Гарди Ковачевич. Стихи по руски буду рецитовац Александра Лендєр и Александар Мудри, а у музичней часци програми наступи Димитрий Цап.
Од запланових пейц, то друга програма котра ширшей явносци у престолнїци приблїжи Руснацох, їх културу и традицию. Манифестацию орґанизує Завод за културу войводянских Руснацох.
Информацию о других програмох котри буду отримани у рамикох манифестациї Днї рускей култури можеце пречитац ту.