НОВИ САД – У Младежским инфо-центре ИНФОПОЛИС у Новим Садзе за будуцих студентох котри ше ище нє опредзелєли за даяки факултет, нєшка од 14 до 17 годзин будзе отримани „Живи информатор”.
Будуци студенти годни бешедовац зоз студентами новосадского Универзитету и на тот способ достац квалитетни и обєктивни информациї о студийох.
Нащивителє годни виберац о хторим факултетским напряме сцу дознац вецей информациї, после чого „достаню” студента з того напряму, а найвецей волонтерох будзе з Природно-математичного и Филозофского факултету.
„Живи информатор” орґанизую млади учашнїки програми „Локомотива – локална младежска инициятива”, а реализую го здруженя ХММ…., БалканИДЕА Нови Сад и ЕДИТ центер – проєкт ИНФОПОЛИС.