РУСКИ КЕРЕСТУР – У парохийним Каритасу нєшка на друженю за старши особи приду госци зоз Каритасу з нашей парохиї зоз Коцура, а волонтере за нїх пририхтую рижни интересантносци.
З тей нагоди стари буду оценьовац и дзецински рисунки хтори на тему Мойо баба и дїдо сцигли на каритасов конкурс з нагоди Октобра – мешаца старих.
И нащива госцох з Коцура, и гевтого штвартку дзецох зоз керестурскей Школи, шицко у рамикох активносцох за мешац старих.
Нєшкайше друженє у Каритасу будзе у звичайним термину од 14 по 16 годзин, волонтере поволую шицких заинтересованих, а кому потребни превоз най ше прияви координаторки Сонї Алексичовей.