РУСКИ КЕРЕСТУР – На репертоаре Драмского мемориялу Петра Ризнича Дядї нєшка два представи – дзецинска и за старших.
На 13 г. Драмски студио ”АРТ” керестурского Дому култури одбави дзецинску представу „Як настали бридки слова” Душка Радовича, у режиї Ксениї Бодянец.
На 20 г. Руски народни театер „Петро Ризнич Дядя” на Мемориляє участвує зоз свою найновшу представу „Як забиц предсидателя” Миру Ґаврана, у режиї Владимира Надя Ачима. Представа витворена у копродукциї з вербаским КПД „Карпати”, та у нєй ґлумя ґлумци з Вербасу и Коцура.