РУСКИ КЕРЕСТУР – Нєшка на Драмским мемориялє Петра Ризнича Дядї тиж буду виуведзени два представи – дзецинска и за старших.
Дзецинску представу „Дурнїло” Якима Олеяра, у режиї Якима Чапку на 13 годзин одбавя дзеци з КУД „Тарас Шевченко” з Дюрдьова.
На 20 г. госци Мемориялу драмски аматере з Дому култури Сивец, котри одбавя представу Саву Шкобича „Живот у цесних ципелох”, у режиї Ани Илич. Представа ше зоз Општинскей смотри театралней творчосци у кулскей опшжтини пласовала на висше змаганє.