РУСКИ КЕРЕСТУР – Нєшка, 2. марца, з початком на 17 годзин, у Ресторану Червена ружа будзе отримана порядна Рочна скупштина Здруженя продуковательох паприґи Капсикум анум, котра того року будзе и Виберанкова.
На скупштину поволани шицки члени Здруженя паприґарох, насампредз же би участвовали у роботи и виборе предсидателя, управного и надпатраюцого одбору.
По законченю урядовей часци, за шицких присутних будзе орґанизована вечера и друженє з котрим ше заокружи прешла сезона, а источашнє розпочнє нова, понеже роботи на пририхтованю за паприґу уж навелько тирваю.