НОВИ САД – Нєшка починаю воспитно-образовни активносци по руски за предшколски дзеци у Новим Садзе у тим школским року, зоз стретнуцом на 18 годзин у просторийох обєкту „Пальчочка” ПУ „Радосне дзецинство”, у улїци Бранимира Чосича ч. 40.
З дзецми будзе робиц вихователька Александра Колбас, а у поради з родичами, термин за роботу з предшколскима дзецми будзе кажду стреду од 18 до 19. годзин. Дотераз приявени понад 20 дзеци, а заинтересовани свойо дзеци можу приявиц виховательки на тел. 060/32-98-99-91.
Предшколска установа „Радосне дзецинство” прилапела же би ше активносци отримовали у рамикох проєкту „Учиме руски язик”.
У Новим Садзе у тим школским року предлужене и виучованє руского язика зоз школярами штреднїх школох, з котрима роби наставнїца Ванеса Медєши. Наставу ше отримує соботами од 9 до 10 г. у Технїчней школи „Милева Марич Анштайн” и пондзелками од 20 до 21 годзин у Доме школярох „Бранково коло”.