НОВИ САД – Тогорочни 15. Фестивал улїчних музичарох почина нєшка на 20,30 годзин у Новим Садзе. Отверанє фестивала будзе, як наявюю орґанизаторе, спектакуларне, бо буду участвовац рижни музични, танєчни и перформерски ґрупи зоз нашей жеми, алє и иножемства.
Фестивал будзе тирвац три днї, од 3. до 5. септембра а рижнородна програма будзе отримана на вецей локацийох у городу.
У рамикох Фестивала будзе отримана и друга по шоре Панел дискусия о виводзеню уметнїцкого и забавного характера на явних поверхносцох у Новим Садзе, на пияток у СКЦ Фабрика.
Цалу програму Фестивала мож опатриц на www.ulicnisviraci.com.
