НОВИ САД – Нєшкайша програма по руски на Радио-телевизиї Войводини почнє на 19,30 годзин з емисию за дзеци „Дзецински швет”, у хторей будзе емитована репортажа з манифестациї „Червене пупче” на тогорочним Фестивалє рускей култури.
„Добри вечар, Войводино” нєшка пошвецена збуваньом хтори прешлого викенду отримани у Руским Керестуре и Шидзе – означованю 200-рочнїца народзеня Петра Кузмяка и першим манифестацийом на Фестивалє рускей култури „Червена ружа” у Керестуре, та першому Медзинародному мултижанровому фестивалу руского филму „Русин Филм Фест” у Шидзе.
По емисиї „Добри вечар, Войводино” на 21,30 г. будзе реприза нєдзельового ТВ Маґазину, док реприза нєшкайшей емисиї такой на ютре (пияток) вноци на 2 и дополадня на 9 годзин.