РУСКИ КЕРЕСТУР – Наиходзаци Дзень женох, керестурске Здруженє женох „Байка” того року означи вєдно з Клубом пензионерох.
З тей нагоди нєшка на 17 годзин „Байка” у Доме пензионерох пририхтує виставу тканих роботох своїх членїцох, а на 19 годзин монодраму „Я бувши” виведзе Силвестер Горняк з Коцура, у орґанизациї Етно-клубу „Одняте од забуца”.
„Байка” и Клуб пензионерох, попри своїх членох, на тоти подїї поволую и шицких заинтересованих Керестурцох.
З нагоди 8. марца, од нєшка по нєдзелю „Байка” будзе мац штанд у центре Керестура, на хторим будзе предавац виробки своїх членїцох.