Нєшка у Беоґрадзе будзе представене народне облєчиво Руснацох

автор ядю
1.1k Опатрене

БЕОҐРАД – У рамикох Манифестациї Днї рускей култури, у атриюму Етноґрафского музею у Беоґрадзе нєшка, 26. авґуста, на 18 годзин будзе представена Моноґрафия „Народне облєчиво бачко-сримских Руснацох”, а у програми буду участвовац аматере дюрдьовского КУД „Тарас Шевченко”.

О Моноґрафиї „Народне облєчиво бачко-сримских Руснацох” будзе бешедовац етнолоґ, висши кустос мр Катарина Радисавлєвич и Любица Отич, историчар, музейски совитнїк. После програми будзе и Етно-стол.

То штварта програма у рамикох Манифестациї Днї рускей култури, а пията, остатня будзе отримана на нєдзелю, 28. авґуста. Шицки програми тей манифестациї орґанизує Завод за културу войводянских Руснацох.

ПОВЯЗАНИ ТЕКСТИ