НОВИ САД – У обєкту „Пальчочка” Предшколскей установи „Радосне дзецинство” у Новим Садзе дзецом котри ходзели на виучованє руского язика будзе уручене припознанє „Славка Сабадош”.
Припознанє будзе уручене на закончуюцей годзини руского язика, хтору з дзецми предшколского возросту на 18 годзин отрима воспитачка Александра Колбас, а припознанє достаню дзеци Кристина Ковач, Владимир Папуґа, Майда Айдукович и Надя Горняк.
Як Рутенпрес поинформовала заступнїца Дружтва за руски язик, литературу и културу Ирина Папуґа, з новосадских основних школох тогорочни добитнїки спомнутого припознаня школярки осмей класи Яна Бодвански, Ана Петкович и Лара Петкович, а спомедзи штредньошколцох то Теодора Кермеци, школярка штвартей класи Медицинскей школи „7. април”.
Школяром з Руского Керестура припознаня „Славка Сабадош” и „Янко Олеяр” буду додзелєни до конца того школского рока.