НОВИ САД – Пондзелок, 2. марца пополадню, медзи 14 и 17 годзин, нєпознати особи розвалєли уходни дзвери до Руского културного центру (РКЦ) у Новим Садзе, як и до канцелариї Центру.
Як дознава Рутенпрес, нє украднуте нїч, алє направена векша материялна чкода на дзверох, понеже су скоро аж вивалєни, а заняти у РКЦ нашли нєшор у канцелариї и розруцани ствари.
Такой пондзелок пополадню инцидент приявени полициї, хтора на месце збуваня фотоґрафовала застати стан и написала службену призначку.
То нє першираз же обити просториї РКЦ у Новим Садзе бо, як гваря з Центру, то ше збува и два раз три раз до рока, алє ище вше нїхто пре тото нє влапени и покарани.