РУСКИ КЕРЕСТУР – Предшколска и старша воспитна ґрупа дзецох Дзецинскей заградки Цицибан, зоз своїма виховательками, вчера нащивела Добродзечне огньогасне дружтво у Руским Керестуре.
З тей нагоди, спред огньогасного Дружтва, як вецейрочни преподавач и инструктор Яким Рац, бешедовал дзецом о опасносцох од огня, представел им огньогасне облєчиво, защитну опрему и опрему за гашенє огня, на способ хтори дзецом такого возросту бул розумлїви и прилаплїви.
На концу, од спонзора Мирослава Скубана, дзеци достали сликовнїци и древково печаци, як и символични бависка, а спред Огньогасного дружтва уручел их Яким Рац.
