КУЛА – У вчера прилапеним ребалансу буджету Општини Кула 4 милиони 860 000 динари предвидзени за ушоренє центру Руского Керестура, у чим Месна заєднїца будзе участвовац зоз 3,5 милиони динари зоз самодоприносу, а остаток обезпечи Општина Кула.
Проєкт за ушоренє центру вироби ЯП „Завод за вибудов” Кула, а у општинским буджету наменєни и средства за виробок проєкту за поставянє пейц нових канделаброх за явне ошвиценє у Керестуре, прейґ спомнутого Заводу.
Вязано за Руски Керестур, СО Кула на вчерайшей схадзки за члена Управного одбору Дому култури меновала Михайла Зазуляка, на предкладанє Националного совиту Руснацох.